Јувентус нуди еден играч и пари на Манчестер Јунајтед за Пол Погба

Според извештаите на медиумите, францускиот репрезентативец Пол Погба е повторно на излезната врата на Манчестер Јунајтед.

Од враќањето во Манчестер Јунајтед, ниту еден преоден рок не може да помине без да се шпекулира за заминувањето на Погба. Овој пат италијанските медиуми објавија дека Јувентус сакал да го врати Погба во своите редови уште во јануари.

Наводно, Старата дама сака дополнително да го заостри средниот ред, а прва желба e Погба во јануарскиот трансфер период. Французинот не крие дека сака да го напушти „Олд Трафорд“, бидејќи ситуацијата во Јунајтед не е баш како што се надеваше кога се врати во клубот.

„La Gazzetta dello Sport“ пишува дека Јувентус веќе подготвил понуда за Погба и ќе се обиде да го донесе во јануари. Старата дама ќе понуди околу 50 милиони евра и еден од играчите на својот тим, а Јунајтед ќе може да избира меѓу четворица играчи.

Наводно, Јувентус е подготвен да ги вклучи Марио Манџукиќ, Емре Џан, Матуиди или Даниеле Ругани во трансферот за Погба.

Старата дама треба да испрати официјална понуда на почетокот на јануари и интересно е да се види дали Јунајтед се согласи да го ослободи французинот.