Капело контра одлуките на Аморим: Добро би размислил пред да се откажам од Томори

Во својата редовна колумна за „Газета дело Спорт“, поранешниот тренер на Милан, Фабио Капело, зборуваше за одлуката на Рубен Аморим да не го вклучи Фикајо Томори во својот технички проект:

„Мислев дека Томори на некој начин ќе биде од корист за Аморим. Да не заборавиме дека Англичанецот беше стартер минатата сезона, играше и во годините кога Милан освои титулата и стигна до полуфиналето на Лигата на шампионите. Томори не е централниот бранител способен за градење на акциите кој можеби го преферира португалскиот тренер. Но, гледајќи ја актуелната група на бранители, добро би размислил пред да се откажам од Англичанецот“.

За замената на Томори, Капело додаде: „Ако Милан би земал играч како Неста во неговите златни времиња, тогаш го симнувам капата и со задоволство го испраќам Томори на излезот. Не би сакал, со идејата да се задржи многу топката, да се заборави првата задача на еден бранител; да брани. Аморим сака проактивен фудбал и висока одбрана, но има моменти кога треба да знаеш да се браниш и во зоната. Треба да имаш силен центар-бек во својата зона“.