Карагер за хаосот во Манчестер Сити: Да бев Де Брујне, ќе бев бесен. Вратете ги трофеите!

Случајот со Манчестер Сити го тресе светот на фудбалот. Премиер лигата утврди дека клубот е одговорен за 114 обвиненија, кои варираат од фалсификување на биланси до договори на играчите во текот на една деценија. Сити продолжува да ја негира вината, додека многу поранешни играчи реагираа жестоко.

Поранешниот одбранбен играч на Ливерпул и аналитичар на „Скај Спорт“, Џејми Карагер, го спомена случајот со Кевин Де Брујне, денес во Наполи: „Да бев поранешен играч на Манчестер Сити, ќе бев бесен и така се чувствувам сега. Мора да е многу тешко за нив да гледаат сè што се случува и речиси да почувствуваат дека дел од нивната кариера ќе биде со астериск. Мислам на Кевин Де Брујне, еден од најголемите играчи што сум го видел. Можеше да игра за секој тим во светот и сепак ќе беше меѓу најдобрите“.

Карагер додаде дека изборот на Сити може да е под влијание и од платата, која, според него, може да е завишена поради финансиската ситуација за која клубот е обвинет. За трофеите, тој рече: „Мислам дека титулите или трофеите на Манчестер Сити освоени во овој период треба да бидат повратени. Она што Сити го направи не ги повреди само своите играчи. Сега никој нема да ги гледа нивните трофеи и медали на ист начин“.