Кевин Де Брујн е прогласен за најдобар играч во Англија

Белгиецот станува првиот играч на Манчестер Сити кој ја освоил оваа награда, доделена од Премиер лигата и тој го сруши рекордот за асистенции.

Кевин Де Брујн ги победи фудбалерите на Ливерпул, кои ја освоија Премиер лигата и ја доби наградата за најдобар играч на годината од Здружението на професионални фудбалери на Англија.

„Тоа е голема чест. Зачудувачка работа е да се гласа од вашите колеги и конкуренти од други тимови против кои играте“, рече тој.

„Малку е чудно што јас сум првиот играч на Сити што ја добил оваа награда бидејќи има добри играчи со кои играм и кои го претставуваат овој клуб”.

„Мислам дека е голема чест што ми е дадена, тие сакаат да освојат трофеи, го сакаат најдоброто.“