Контроверзниот бизнисмен бил врзан и брутално претепан во неговиот дом

Поранешниот претседател на Марсеј, Бернард Тапи беше претепан во неговиот дом во близина на Париз.

Француските медиуми денес објавија дека контроверзниот бизнисмен заедно со неговата сопруга Доминика биле врзани и потоа претепани во неговиот дом од разбојници.

Бернард и Доминика спиеле во нивниот дом кога разбојниците влегле во куќата. Ги врзаа, ги малтретираа и ги тепаа со безбол палка сè додека не признаеа каде е сефот со парите и другите скапоцености.

Поголемата трагедија ја спречиле соседите кои сфатиле дека нешто чудно се случува во куќата на овој бизнисмен и повикале полиција.

ALERTE INFO – Bernard Tapie et son épouse, violentés lors d'un cambriolage à leur domicilehttps://t.co/KFxwGX8Td8 pic.twitter.com/fZB8WEcvtk

— BFM (@BFMTV) April 4, 2021

На крајот Доминика била итно пренесена во болница со тешки повреди додека 78-годишниот Бернард одбил да оди во болница.

Бернард Тапи како претседател на Марсеј учествуваше во бројни скандали поради местење на натпревари, кои на крајот го принудија да го напушти клубот, и тој беше осуден на повеќе од две години затвор.