Лапорта го мерка Фабрегас за тренерската позиција

Во Барселона изгледа дека веќе размислуваат за иднината, за моментот кога Ханси Флик повеќе нема да биде на клупата на каталонскиот клуб. И претседателот Жоан Лапорта веќе го има својот фаворит.

Тоа е шпанскиот тренер Сеск Фабрегас, кој блеска во Италија и Европа со Комо. Претседателот на клубот „блауграна“ го потврди својот интерес за 39-годишниот, кој некогаш играше три сезони за Барселона.

„Фабрегас го разбира нашиот менталитет и визијата на Барса подобро од било кој друг. Тој порасна тука и ова секогаш ќе биде неговиот дом. Понатаму, ни се допаѓа неговата фудбалска филозофија“, изјави Лапорта.

Тој го потврди и довербата што клубот и тимот ја имаат во актуелниот тренер Ханси Флик: „Сепак, за моментот имаме одличен тренер како Флик. И видовте за што е способен.”