Connect with us

Фудбал

Лацио поведе во Торино, но Мората го имаше последниот збор

Published

on

Јувентус го совлада Лацио со 3:1 во натпреварот од 26. коло на италијанската Серија А.

Андреа Пирло влезе на овој натпревар без Кристијано Роналдо кој остана на клупата, а Лацио влезе одлично во натпреварот и создаде неколку убави шанси.

Една искористија во 14. минута кога Кореа ја искористи лошата реакција на одбраната и погоди за 0-1.

Секако, Јуве започна да напаѓа откако го прими голот. Се обидоа на секој начин да стигнат до голот, а изедначија во 39. минута кога Адриен Рабиот погоди прекрасно за 1:1.

Со овој резултат тие заминаа на одмор, а на Јуве и понатаму му одеше доста добро.

Сепак, Лацио можеше да погоди за водство, но Милинковиќ-Савиќ ја погоди пречката, а Јуве потоа го реши прашањето на победникот за само три минути.

Алваро Мората погоди со одличен погодок во 57. минута за 2:1, а три минути подоцна Шпанецот го искористи пеналот и ја зголеми предноста на Старата Дама на 3:1.

Лацио секако се отвори по овие голови. Небесно сини се обидоа да се вратат во игра, но не ја искористија шансата.

Пирло, пак, му даде шанса на Роналдо, но до крајот на играта немаше промена на резултатот и тој остана 3:1 за „бјанконерите“.

Facebook