Лео Меси тропна на врата, но Гвардиола не отвори: Строго правило на Пеп во Манчестер Сити

Гвардиола го претвори Манчестер Сити  во апсолутен титан во англиската Премиер лига. Шпанскиот стручњак ги врати „граѓаните“ на картата на „големите“ во Европа со своите фудбалски принципи и многу строго правило, кое неодамна беше откриено и од кое настрада и самиот Лионел Меси.

Правилото за кое Меси слушна „НЕ“ од Гвардиола

Во новата книга за Каталонецот, Гвардиола признава дека нема намера да купува играчи од двата поранешни клуба со кои раководеше – Барселона и Баерн Минхен.

Новинарот Марти Перарнау, човек близок на Гвардиола, на почетокот на следната година објавува книга со наслов „Господ чувај го Пеп“. Се споменува дека Лионел Меси контактирал со шпанскиот стручњак во 2020 година и го прашал за трансфер на „Етихад“, но Пеп го одвратил.

„Меси беше тој што му се понуди на Сити во 2020 година. Пеп имаше сомнежи, но беше категоричен дека не сака да ги допре Барса или Баерн “, изјави Перарнау за AS .

Во исто време, сепак, Гвардиола е повеќе од среќен што им дозволува на своите играчи да прават трансфери во Барселона со играчи како Ерик Гарсија, Феран Торес, Илкај Гундоган и Жоао Кансело, сите потписи за Каталонците.