Левандовски брка уште еден рекорд на славниот Мулер, тој е многу блиску повторно да го надмине

Полскиот репрезентативец Роберт Левандовски ќе се обиде да собори уште еден рекорд на легендарниот Герд Мулер, легенда на Баерн, кој за жал почина неодамна по долга и тешка болест.

Минатата сезона, Левандовски успеа да го надмине рекордот на Мулер од 1979 година по бројот на постигнати голови во една сезона во Бундеслигата, а сега се обидува да собори уште еден интересен рекорд.

Имено, Милер постигна најмалку еден гол на 16 последователни натпревари во дресот на Баерн и тоа беше во сезоната 1969/70, додека Левандовски во моментов е во серија од 14 последователни натпревари.

Полјакот ќе се обиде денеска да ја продолжи серијата против Келн, а доколку постигне гол, му останува уште еден натпревар за да го израмни славниот Германец, а потоа да се обиде да го „прескокне“.

Досега, Роберт Левандовски одигра 331 натпревар за Баерн Минхен во сите натпреварувања во кои постигна 297 голови и запиша 65 асистенции.

Тој постигна 278 голови во Бундеслигата и се уште е далеку зад Мулер, кој со 365 голови е апсолутен рекордер на германското првенство.