Левандовски падна на тренингот на Баерн и ги исплаши сите, особено Полјаците (ВИДЕО)

Полскиот напаѓач Роберт Левандовски не го заврши тренингот на Баерн во вторникот.

Левандовски изведе еден удар кон голот се лизна и падна на тревникот како покосен, со гримаса на лицето, што веднаш предизвика паника кај стручниот штаб и остатокот од тимот на Баерн.

Но, според првите информации се работи за полесна повреда, а самиот напаѓач изјави дека „само чувствувам мала болка“.

Според „Билд“, Лева најверојатно нема да го одигра саботниот првенствен натпревар против Унион Берлин, но ќе биде подготвен за клучниот меч на Полска во квалификациите за Светското првенство.

Роберт Левандовски повторно импресионира оваа сезона. Полјакот дефинитивно е најдобар стрелец во Европа, веќе одигра 36 натпревари, постигна 43 гола и има четири асистенции.

Robert Lewandowski had to cut today's training session short after slipping in an awkward way while practicing his shooting. The striker was treated briefly then left the pitch visibly upset [🎥 @Plettigoal]pic.twitter.com/HjWmjaC1wg

— Bayern & Germany (@iMiaSanMia) March 15, 2022