Левандовски: Се чувствувам како дете со нова играчка

Фудбалерот на Барселона, Роберт Левандовски го доби својот пат и по многу перипетии летово пристигна на Камп Ноу од Баерн.

Баварците беа решени да го задржат полскиот репрезентативец, но Лева инсистираше дека неговото време во Минхен е завршено и дека не планира да остане меѓу великаните од „Алијанц Арена“. На крајот, една година пред истекот на договорот, добил писмо и потпишал за Барса.

„Знам дека моето заминување влијаеше на многу фанови, можам да го разберам тоа и сакам уште еднаш да се извинам. Беше важно и неопходно да разберам дека сум подготвен за промени. На крајот на краиштата, сите ние сме луѓе. По 12 години во Германија, ми стана јасно дека моето време истече. Беше тешка ситуација за сите страни и моравме да го најдеме најдоброто решение“, му рече Левандовски на Марко и додаде:

„Ми требаше промена, одење во друга земја, во друг клуб. Сега се чувствувам како дете со нова играчка“.

33-годишниот Полјак потпиша договор до летото 2026 година, а минатиот викенд постигна гол со две асистенции во победата од 6-0 против Пумас.