Леверкузен го назначи Петер Бош за нов тренер

Баер Леверкузен веќе има нов тренер. Денес од своите обврски беше ослободен досегашниот тренер Хаико Херлих, а на клупата седнува Петер Бош.

Холанѓанецот официјално ќе почне да работи од 4 јануари 2019 година. Ова ќе биде втор негов престој во Бундеслигата, откако тој помина неколку месеци на чело на Борусија Дортмунд во сезоната 2017/2018. 54-годишниот стратег ја доби функцијата кај „жолто-црните“ непосредно откако го однесе Ајакс до финалето во Лига Европа во 2017 година.

Договорот на Бош со Леверкузен е до 30 јуни 2020 година. Тој ќе пристигне во клубот со свој асистент-тренер во лицето на Хендрик Крузен.

Во Бундеслигата, тимот е на 9-то место со 24 поени, на само еден зад 6-тиот Волфсбург, кој во моментов ја држи последната позиција, која осигурува излез во евротурнирите. Во Лига Европа пак, „аспирините“ ќе се сретнат со руски Краснодар во шеснаесетфиналето.

Heiko Herrlich has been relieved of his coaching duties at #Bayer04.

Peter Bosz will take over in January. pic.twitter.com/Hrtoy8CJ9J

— Bayer 04 Leverkusen (@bayer04_en) December 23, 2018