Лига 1 можеби заврши, но ПСЖ со тренинзи во Катар се подготвува за ЛШ

ПСЖ и уште неколку други француски клубови, подготвени се за организирање на турнир во Катар во јули. Другите учесници најверојатно ќе бидат Лион, Лил и СентЕтјен.

За ПСЖ, турнирот ќе биде проба пред продолжување на Лигата на шампионите, а за останатите екипи ќе биде дел од подготовките за новата сезона во Лига 1.

На Парижаните им претстојат и последните натпревари во Купот на Франција и Лига Купот.

Натпреварите најверојатно ќе се играат во главниот град Доха. Во моментов не се пуштаат странци во Катар, но ситуацијата се очекува да се промени до јули.