Лил во финишот го разби Лориен

Фудбалерите на Лил на домашен терен го победија тимот на Лориен со 3:1 во 29. коло од Лига 1.

Лил поведе со голот на Кабела во 13. минута и се до 77. минута беше 1:0. Потоа Коне израмни, но две минути подоцна Лориен остана со играч помалку бидејќи Абергел беше исклучен поради втор жолт картон.

Лил оствари голема победа во самиот финиш со двата гола на Жегрове.

Лил сега е петти на табелата со 52 бода и останува во трката за европските квалификации, додека Лориен е осми со 44 бодови.