Лоша вест за Реал Мадрид: Пристигна дијагнозата на Азар, нема да игра до крајот на годината

Реал Мадрид ја потврди црната прогноза. Веќе беше познато дека Еден Азар го повреди глуждот и може да направи долга пауза.

Кралевите денес го објавија медицинскиот извештај во врска со повредата што ја претрпе Азар за време на дуелот во Лигата на шампионите со ПСЖ.

Па сега пристигна деталната дијагноза. Поточно, Белгиецот доби делумна фрактура на една од коските на глуждот и сигурно ќе го промаши „Ел Класико“, кој се игра на 18 декември.

Лос Бланкози ќе се натпреварува со Барселона на 18 декември на „Ноу Каму“, а пред тоа имаат дуели со Еспањол, Клуб Бриж и Валенсија.

Првично, имаше надеж дека 28-годишниот офанзивен играч ќе биде надвор од теренот само на краток период, и дека ќе биде подготвен за „Ел Класико“. Сепак, откако пристигнаа вестите, стана јасно дека Азар ќе мора да направи малку подолга пауза и ќе го промаши „Ел Класико“.

Се верува дека Белгиецот би можел да го пропушти остатокот од годината.

Ова е исто така лоша вест за самиот Еден Азар, кој конечно започна да се формира по прилично лошиот старт на неговата авантура во Мадрид.

Инаку, ова не е единствената лоша вест за Кралевите. Марсело, кој претрпе повреда на листот на тренинзите, нема да закрепне до „Ел Касико“.