Лука Ернандез ги скина лигаментите на коленото

Во раната фаза од натпреварот, дефанзивецот на Франција, Лука Ернандез се повреди и мораше да го напушти теренот. Веднаш се виде дека неговата повреда не е наивна, а сега се утврди дека ги скинал предните вкрстени лигаменти на коленото.

Тоа го потврди и Француската фудбалска федерација која на Твитер напиша дека Лука мора да го напушти Мундијалот поради повреда која се смета за најсериозна за еден спортист. Дефанзивецот на француската репрезентација и Баерн не само што ќе треба да го заврши најголемото натпреварување во светот, туку ќе мора да паузира и неколку месеци и веројатно сезоната за него е завршена.

Тој беше заменет од неговиот брат Тео Хернандез на натпреварот против Австралија во вторникот.

Инаку, тој им се приклучи на повредени соиграчи од репрезентацијата, кои ги има многу. Заедно со него повредени се Бензема, Нкунку, Канте, Погба, Мањан и Кимпембе. Ова им создава големи проблеми на светските шампиони пред да продолжи натпреварувањето, иако Французите беа навистина моќни во првиот меч против селекцијата на Австралија. Рабио, Жиру и Мбапе беа стрелци во триумфот со кој Французите почнуваат да ја бранат титулата.

Victime d'une rupture du ligament croisé antérieur du genou droit, @LucasHernandez doit renoncer au Mondial.

Tout le groupe lui souhaite le meilleur rétablissement possible 💙#FiersdetreBleus pic.twitter.com/TIgHi3qOPJ

— Equipe de France ⭐⭐ (@equipedefrance) November 23, 2022