Манчестер Сити, планира пет трансфери ова лето

Манчестер Сити планира да префрли уште пет играчи за време на летниот преоден рок и сака сите овие трансфери да бидат завршени пред 12 септември.

Клубот во вторникот го комплетираше трансферот на крилниот играч Феран Торес од Валенсија за 37 милиони фунти и се очекува наскоро да го комплетира трансферот на Натан Аке од Бурнемут за 41 милион фунти.

Дефанзивците сега се приоритет на Пеп Гвардиола за ова лето, бидејќи тој бара лев бек и централен дефанзивец, позиција за која го идентификуваше Калиду Кулибали на Наполи.

На другите позиции, Манчестер Сити ќе мора да најде подолгорочни замени за двајцата легендарни играчи на клубот, Давид Силва и Серхио Агуеро.

Фудбалерот на Интер, Лаутаро Мартинез, останува изборот број еден на Гвардиола за центаршутер, додека Атлетик известува дека Манчестер Сити е заинтересиран и за Жоао Феликс на Атлетико Мадрид.

Манчестер Сити има до 5 октомври да ги заврши овие трансфери, но Гвардиола му наложи на клубот да ги заврши до 12 септември за да има време да ги подготви со тимот за новата сезона.