Манчестер Јунајтед донесе одлука: Кристијано Роналдо жестоко казнет!
Кристијано Роналдо ги шокираше сите во Манчестер Јунајтед.
Португалецот наводно не сакал да влезе во финишот на натпреварот против Тотенхем викендов, а пред крајот на натпреварот ги напуштил клупата и стадионот, што предизвика огромни реакции кај медиумите и навивачите на Отсрва.
Манчестер Јунајтед веднаш реагираше, па Ерик Тен Хаг го отстрани Роналдо од тимот.
Многумина ја поддржаа оваа одлука на тренерот на Јунајтед, сметајќи дека никој не е над клубот, па ни Роналдо.
Многумина сметаат дека ваквото однесување на Роналдо е „одмазда“ кон клубот бидејќи не сакале да го продадат летово, иако немало силни понуди кои би го задоволиле Португалецот.
После се што се случи, Роналдо реши да проговори. Тврди дека е истиот човек и професионалец како што бил во овие 20 години и дека причината за се е само „жешка глава“.
Сепак, тоа не го спаси од казна. Утринава островските медиуми објавија дека Манчестер Јунајтед решил жестоко да го казни Роналдо.
Казната ќе има паричен карактер, а португалскиот фудбалер ќе биде „олесен“ за 1,2 милиони евра. Од клубот сметаат дека ова ќе биде лекција за Роналдо во наредниот период и дека треба да внимава на своето однесување. Покрај горенаведеното, Роналдо извесен период ќе тренира и со У21 тимот на Олд Трафорд.
Cristiano Ronaldo risque de payer le prix fort pour être parti du stade avant le coup de sifflet final face à Tottenham : Manchester United pourrait lui infliger une amende de 1.2 M€ !
(The Guardian) pic.twitter.com/rm5Vo0spzm
— BeFootball (@_BeFootball) October 21, 2022
Манчестер Јунајтед дербито против Челзи ќе го гледа без Роналдо, тоа е одлука на тренерот Тен Хаг.
Во тековната сезона, од 10 одиграни натпревари во Премиершип, Кристијано Роналдо стартуваше само во дуелите со Брентфорд и Евертон, додека беше неискористена замена на дуелите со Манчестер Сити и Тотенхем.
