Манчестер Сити во сериозен ризик, еве го решението. Одговорен за над 100 финансиски прекршувања

Манчестер Сити е прогласен за одговорен за речиси сите обвиненија, за над 100 финансиски прекршувања, потврди во вторникот Премиер лигата. Независната комисија дојде до заклучок дека клубот систематски ги прекршувал правилата на Премиер лигата речиси една деценија.

Прекршувањата се поврзани со периодот 2009-2018 и вклучуваат нерепортирање на точни финансиски податоци, надувување на приходите од спонзорските договори со компании од Абу Даби, прикривање на дополнителните плаќања за тренери и играчи, како и прекршување на финансиските правила на Премиер лигата и УЕФА.

Сити користел договори кои „ја искривувале реалната спогодба помеѓу страните“, со цел надувување на приходите и намалување на трошоците. Клубот исто така „презентирал невистинити биланси“ и „ја прикривал вистинската финансиска состојба“ од ревизорите и фудбалските органи.

Комисијата го прогласила Сити за виновен за сите обвиненија поврзани со сериозни финансиски прекршувања во текот на 9 сезони, како и за поголемиот дел од обвиненијата за несоработка со истрагата, која траеше од 2018 до 2023. Сити ризикува сериозни санкции, вклучувајќи масовно одземање бодови или дури и исклучување од Премиер лигата. Клубот изјави дека ќе ја обжали одлуката.