Мбапе не го сака Анчелоти и му кажа на Перез кој тренер го сака на клупата на Реал Мадрид

Килијан Мбапе речиси сигурно ќе го напушти ПСЖ на крајот на оваа сезона.

Мбапе има договор со францускиот клуб до крајот на оваа сезона и веќе во неколку наврати одби можност да ја продолжи соработката бидејќи сака да го напушти клубот и да најде нов предизвик во кариерата.

Францускиот напаѓач побара од парижаните да го продадат ова лето бидејќи Реал Мадрид бил подготвен да плати дури 180 милиони за него, но на крајот ПСЖ одби.

ПСЖ ризикуваше многу бидејќи Мбапе најверојатно ќе го напушти клубот бесплатно, но рекоа дека сега му е поважно да остане бидејќи веруваат дека клубот конечно може да ја освои Лигата на шампионите.

Иако Мбапе најмногу се поврзува со преселба во Реал Мадрид, нема да биде изненадување ако на крајот се предомисли бидејќи за него интерес покажаа уште неколку великани.

Исто така, француските медиуми дури објавија дека Мбапе не е премногу импресиониран од тоа како игра Реал Мадрид под палката на Карло Анчелоти и дека би сакал некој друг да биде тренер на кралевите.

„Le Parisien“ објави дека Мбапе бил особено импресиониран од еден тренер, Јирген Клоп. Тој сака да оди во клуб кој игра напаѓачки и мисли дека Ливерпул е најблиску до тоа.

На Мбапе му се допаѓа како Клоп со години го води тимот на Ливерпул и наводно побарал од Флорентино Перез следното лето да се обиде да го доведе германскиот стручњак на клупата на „кралевите“.

Сепак, јасно е дека нема да биде воопшто лесно бидејќи Перез е задоволен од резултатите на Анчелоти за кого смета дека е најдобриот избор за тренерот на Реал Мадрид во моментов.