Мбапе никогаш не бил поотворен – Зошто го нарече Нејмар клошар?
Во интервју, напаѓачот на ПСЖ, Килијан Мбапе уште еднаш призна дека сакал да се пресели во Реал Мадрид ова лето и дека управата на „светците“ била свесна за неговата одлука, но трансферот не бил реализиран.
Кралскиот клуб понуди 220 милиони евра за францускиот репрезентативец, но раководството на ПСЖ остана на ставот дека Мбапе не е на продажба, иако неговиот договор истекува на крајот од сезоната 2021/22.
„Останав и среќен сум. Сепак, јас сум далеку од потпишување договор и останување. Сакав да заминам. Со оглед на мојата ситуација, не разговаравме за нова соработка два месеци, бидејќи реков дека сакам да си заминам“, рече Мбапе и продолжи:
„Кога велам заминување, зборувам за Реал Мадрид. Реал испрати понуда. Мислев дека моето време во Париз заврши и заминувањето беше логичниот следен чекор. Ако заминев, тоа ќе беше само Реал. Други клубови не постоеја.“
Парижаните ги засили Лионел Меси , но доаѓањето на еден од најдобрите фудбалери во светот не влијаеше на плановите на Мбапе.
Kylian Mbappé to L’Équipe: “Yes, I called Neymar ‘bum’ because I wasn’t happy with a pass. These are things which happen all the time in football. That’s why, right after, given how it blew up, I spoke to him about it. This happens because we want to win. That’s it – no issue”. pic.twitter.com/DMiBkLpWbo
— Fabrizio Romano (@FabrizioRomano) October 5, 2021
„Привилегија е да се игра со Меси. Тој е одличен. Сепак, не донесувам одлуки на импулсивен начин. Долго размислував за ова“, а потоа погледна назад кон Нејмар за време на еден натпревар, кога го нарече Бразилецот „клошар“.
„Да, го нареков „клошар“ бидејќи не бев среќен со неговото додавање. Такви работи се случуваат постојано во фудбалот. Разговаравме подоцна и нема проблем меѓу нас. Такви работи се случуваат кога сакате да победите. Го почитувам Нејмар како фудбалер и човек“, истакна Мбапе.
Впрочем, ќе видиме дали одличниот напаѓач ќе го напушти Париз во јануари и ќе го облече дресот на Кралскиот клуб.
