Мегваер: Сакам да го играм секој натпревар, во добра форма сум

Дефанзивецот на Манчестер Јунајтед, Хари Мегваер (30) даде интервју за веб-страницата „Goal.com“ во кое меѓу другото ги сподели емоциите кога останува на резервната клупа, но и амбициите со „црвените ѓаволи“.

Мегваер, кој стартуваше само шести пати сезонава во Премиерлигата, во саботната победа против Евертон (2:0), го кажа и ова:

"Listen, I’m not going to stand here and say I love it, or that I like it. I don’t," – Harry Maguire speaks about his lack of game time at Man Utd this season#MUFC https://t.co/IEwtLDpZkm

— Man United News (@ManUtdMEN) April 10, 2023

„Видете, нема да стојам овде и да зборувам за тоа како ја сакам оваа ситуација, како ми се допаѓа. Не е така. Морам да го почитувам и менаџерот и неговите одлуки и да ја почитувам конкуренцијата на централниот дефанзивец. Така е и верувам дека е правилно“.

„Кога добивам шанса, сакам да се покажам, сакам да победувам и најважно за тимот е да игра на највисоко ниво. Секако, би сакал да играм на секој натпревар и сигурен сум дека ако разговарате со сите наши централни дефанзивци, кои се искусни и одиграа на највисоко ниво, сите ќе бидат разочарани кога ќе седнат на клупата. Истото важи и за мене“, призна дефанзивецот на „црвените ѓаволи“.

Harry Maguire: “We’ve got such a busy end to the season. My mentality is that I want to get another two trophies for the club. I enjoyed lifting the Carabao Cup and I want to lift another two.” #MUFC pic.twitter.com/czLX13vYzx

— MUFC Scoop (@MUFCScoop) April 9, 2023

Мегваер оваа сезона забележа само 13 настапи како стартер во сите натпреварувања за Јунајтед, а во истиот период девет пати го облече дресот на англиската репрезентација, вклучувајќи ги и сите пет натпревари на Светското првенство во Катар.

Тој, исто така, беше поврзуван со заминување во средината на сезоната, но остана на место и го подигна својот прв трофеј во февруари кога тимот на тренерот Тен Хаг триумфираше во финалето на Карабао купот против Њукасл.

„Имаме многу напорен крај на сезоната. Во мојот менталитет сакам да освојам уште два трофеи за клубот. Задоволен сум што го кренав Карабао купот и сакам да подигнам уште два трофеи“, изјави Мегваер.

https://twitter.com/MufcWonItAll/status/1644718583203741699

„Ќе работам колку што можам на тренинзите и ќе се подготвувам за секој натпревар, бидејќи сигурен сум дека ќе започнам многу натпревари до крајот на сезоната. Не дека не бев стартер. „Ги започнав последните два натпревари пред репрезентативната пауза против Фулам и Бетис“, се сеќава Мегваер.

„Не е како да сум замрзнат, или да не учествувам во игрите. Мислам дека се уште играм многу натпревари, но очигледно како и секој друг фудбалер сакам да го играм секој натпревар. Сепак, сигурен сум дека и секој друг централен дефанзивец во нашата соблекувална го сака тоа, а менаџерот не може да игра со сите четворица. Оваа година чувствувам дека сум во добра форма – психички, физички и секогаш кога почнував натпревар, добро се снајдов“, додаде Мегваер.

🎙️ Harry Maguire: “I feel like my form has been good for England and Manchester United." pic.twitter.com/eG8HC5QeJz

— Football Tweet ⚽ (@Footballtweet) April 8, 2023

„Имаме четворица дефанзивци од класа, кои можат да играат на највисоко ниво. Јас, Лисандро Мартинез, Рафа Варан и Виктор (Линделоф). Добро е што ги имаме сите четворица и сигурен сум дека до крајот на сезоната ќе се притискаме и ќе биде многу тесна борба за место во тимот“, изјави англискиот репрезентативец.

„Исто така, мора да верувате дека дури и кога не сте стартер, добро тренирате и се уверувате дека сте подготвени за борба, па кога ќе добиете шанса, искористете ја.