Месут Озил започна да игра редовно, но неговата иднина е сè понеизвесна

Договорот на Месут Озил со Арсенал истекува во 2021 година, но двете страни се сè уште далеку од преговори за нов договор.

Минатото лето, „топџиите“ беа подготвени да се разделат со него, но трансфер така и не се случи. По пристигнувањето на Микел Артета во декември, Германецот започна да игра редовно. Сепак, ова не ја смени позицијата на раководството, кое не е сигурно дека сака да го задржи.

Негов главен проблем е неговата огромна плата од 350.000 фунти неделно. Тој повторно потпиша под овие услови во јануари 2018 година и од тогаш оваа одлука на „топџиите“ доби сериозна критика.

Во тоа време, остануваа шест месеци до истек на договорот, а клубот се раздели со Алексис Санчез. На Арсенал им беше извршен притисок да не изгубат уште една ѕвезда и ја нарушија структурата на платите за да го задржат Германецот.