Милнер уште една година во Ливерпул

Играчот од средниот ред Џејмс Милнер се согласи да го продолжи договорот со Ливерпул на уште една сезона. Милнер се согласил на значително намалување на платата за да остане на Енфилд, објавија британските медиуми.

Тој одби и две подобри понуди од клубови од Премиер лигата и една од американската МЛС лига.

Неговиот договор истече на 30 јуни и тој би можел да го напушти клубот како слободен играч. Сепак, тренерот Јирген Клоп во разговор со играчот и раководството на клубот истакна дека Милнер е клучен за успехот на Ливерпул.

Милнер оваа сезона одигра 39 натпревари за „црвените“. Тој го имаше своето деби во Премиер лигата како 16-годишник во дресот на Лидс во 2002 година.

Играше и за Астон Вила, Њукасл, Манчестер Сити, а од 2015 година е во Ливерпул за кој одигра 289 натпревари и постигна 26 гола.

James Milner received three proposals/approaches from other clubs but he always wanted to stay at Liverpool as priority. New deal will be valid until June 2023. 🔴🏴󠁧󠁢󠁥󠁮󠁧󠁿 #LFC

Final details to be resolved soon then paperworks will be ready to be signed. pic.twitter.com/45w6uU20cN

— Fabrizio Romano (@FabrizioRomano) June 6, 2022