Модриќ го продолжи договорот, Анчелоти најави нови потписи
Хрватскиот играч за врска Лука Модриќ е блиску до продолжување на договорот со Реал Мадрид, потврди тренерот на Кралскиот клуб, Карло Анчелоти.
На искусниот играч (36) соработката му истекува на крајот од сезоната. Преговорите за потпишување на нов се успешно завршени, па се чека само официјализирање.
„Не мислам дека само Модриќ ќе го продолжи договорот. Очекувам дека сите играчи на кои им истекува договорот ќе разговараат со клубот и ќе ја донесат најдобрата одлука за сите“, изјави Анчелоти.
Carlo Ancelotti: “Not only Modrić will renew his contract – but all the players out of contract will speak with the club to make the best decisions. Mbappé? It's too early to think about June 30th”. ⚪️ #RealMadrid
Modrić new contract process is at final stages. Work in progress. pic.twitter.com/pFWWBHBt8Y
— Fabrizio Romano (@FabrizioRomano) January 1, 2022
Засега останува нејасно колку ќе трае новиот договор. Имајќи предвид дека задарчанецот влезе во 37-та година од животот, не треба да се очекува повеќегодишен потпис.
Модриќ е член на Реал Мадрид од 2012. Беше еден од најважните играчи во сите трофеи. Досега има одиграно вкупно 409 натпревари, со 28 гола и 66 асистенции.
