Мундо депортиво: Меси одолговлекува со Французите, ја чека Барса
Фото: PARIS, FRANCE – FEBRUARY 14: Lionel Messi of Paris Saint-Germain is challenged by Jamal Musiala and is marked by Dayot Upamecano of FC Bayern Munich during the UEFA Champions League round of 16 leg one match between Paris Saint-Germain and FC Bayern Muenchen at Parc des Princes on February 14, 2023 in Paris, France. (Photo by Clive Rose/Getty Images)
Најдобриот играч на Пари Сен Жермен, Лионел Меси ги одложува преговорите со францускиот шампион за продолжување на договорот, бидејќи аргентинскиот интернационалец чека понуда од Барселона, тврди Мундо депортиво.
Меси во ПСЖ пристигна од Барселона во 2021 година, а има договор со парискиот клуб до крајот на сезоната. Аргентинскиот фудбалер претходно најави дека по Светското првенство во Катар ќе соопшти каде ќе ја продолжи кариерата, но се уште нема донесено конечна одлука.
„Меси повеќе би сакал да се врати во Барселона. Тој чека понуда од каталонскиот клуб, која се уште не пристигнала. Барселона го сака Меси назад, но засега не може да испрати конкретна понуда поради финансиски проблеми. Раководството на каталонскиот клуб преговара со спонзори, со што би се овозможило враќање на Меси, а во исто време, Барселона би го избегнала прекршувањето на правилата на финансискиот фер-плеј“, пишува Мундо депортиво.
Меси (35) беше член на Барселона од 2000 до 2021 година, а со каталонскиот клуб освои 34 трофеи. За тимот од Ноу Камп одигра 778 натпревари и постигна 672 гола.
