На Анчелоти му пресуди очајната игра
Италијанскиот стручњак Карло Анчелоти (62) нема да седне на клупата на Реал Мадрид.
Така барем тврди весникот Спорт, кој наведува дека претседателот на Реал Мадрид, Флорентино Перез е незадоволен од начинот на кој игра тимот и не сака да гледа фудбал каков што игра Реал оваа сезона.
Наводно, Перез веќе одлучил дека Анчелоти нема да ја продолжи работата во клубот и би можел да го напушти тимот на крајот на оваа сезона, без разлика на резултатите што ќе ги постигне.
View this post on Instagram
Перез е особено лут по синоќешниот натпревар против ПСЖ во Париз, кога Реал прикажа навистина очајна игра. Се бранеа 90 минути, но на крајот ПСЖ сосема заслужено дојде до победата по продолжение со голот на Килијан Мбапе.
Искусниот италијански тренер има договор за уште две сезони. Сепак, потрагата по помодерен тренер наводно веќе е започната, а тренерот на ПСЖ, Маурисио Покетино е главна цел доколку си замине од Париз на крајот на сезоната.
Исто така, Перез го обожава менаџерот на Ливерпул, Јирген Клоп. Сепак, германскиот тренер е обврзан со договор и тешко дека ќе си замине пред крајот на соработката со „црвените“ во јуни 2023 година.
View this post on Instagram
Ова е втор мандат на Карло Анчелоти во Мадрид. Тој претходно го водеше клубот од 2013 до 2015 година, а минатата година пристигна како замена за Зинедин Зидан.
