На списокот на отпишани: Веќе е познато Реал Мадрид на кого нема да смета следната сезона

Зинедин Зидан треба да ја објави во понеделник одлуката дали ќе биде на клупата на Реал Мадрид и следната сезона.

Зидан пред неколку недели објави дека ова ќе биде негова последна сезона на клупата на кралскиот клуб и дека најверојатно ќе бара друг предизвик.

Веќе некое време во шпанските медиуми се шпекулира за тоа кој би можел да го преземе кормилото на Кралевите, а според последните информации, прва желба на Флорентино Перез е Масимилијано Алегри.

Се очекува сè да биде познато до крајот на следниот месец, а Алегри да се врати на тренерското место по две години.

Сепак, јасно е дека Алегри нема да има на располагање толку многу пари за трансфери на лето, како што беше случај во Реал Мадрид претходните години.

Поради пандемијата на коронавирусите, но и реновирањето на „Сантијаго Бернабеу“, ситуацијата во кралскиот клуб не е најдобра. Како и да е, тоа сигурно нема да го спречи Перез да донесе барем едно зајакнување ова лето.

Во моментов, единствено што е познато е дека Давид Алаба ќе пристигне ова лето како слободен агент бидејќи истекува неговиот договор со Баерн.

Прва желба на Реал е Килијан Мбапе и се чини дека Перез ќе ги насочи своите ресурси кон доведување на напаѓачот на ПСЖ. Ерлинг Халанд исто така се поврзуваше со Реал, но тешко е да се очекува дека ќе може да го донесе.

Исто така, се очекува дел од поискусните играчи да го напуштат клубот, а како што стојат работите, тоа ќе бидат Серхио Рамос, Марсело и најверојатно Лука Модриќ, иако сака да ја заврши кариерата во Реал.

Покрај овие тројца, на трансфер листата ќе се најдат Иско, Еден Азар, Марко Асенсио и Рафаел Варан, исто така и претходно отпишаните Герет Бејл, Лука Јовиќ и Дани Себалос, кои се враќаат од заем.

Реал Мадрид се надева дека ќе заработи доволно пари од продажбата на некои од овие играчи за да го донесе Мбапе, бидејќи францускиот напаѓач не крие дека сака еден ден да игра за Реал Мадрид.

Кралевите сакаат да донесат засилувања и во одбраната, но кого ќе се обидат да донесат ќе се знае откако Алегри ќе го преземе тимот и ќе ги открие неговите желби за потенцијални засилувања.