Навивачите на Реал Мадрид подобро е да не гледаат што објави Бејл на Инстаграм
Герет Бејл доби жестоки свирежи на Сантијаго Бернабеу синоќа кога влезе во игра на натпреварот против Хетафе.
Реал Мадрид на овој меч победи пред своите гледачи со 2:0, а можност во финишот од мечот доби Бејл, кој на теренот влезе наместо Карим Бензема.
Меѓутоа, кога влезе на теренот, доби жестоки свирежи и навреди од навивачите на кралскиот клуб, а на сето тоа Велшанецот само се насмеа, што дополнително го предизвика гневот на симпатизерите на Реал Мадрид.
„Кавгата“ меѓу Бејл и навивачите на Реал трае веќе неколку години, иако Велшанецот ги имаше своите блескави моменти во овој клуб.
Но, се започна кога фудбалот повеќе не му беше приоритет и повеќе внимаваше на играњето голф, што предизвика најголем револт кај навивачите на Реал. Иако никој не го сака на Бернабеу, очигледно е дека на Бејл не му пречи премногу и добро му оди.
Тој уште пред вчерашниот натпревар објави фотографии од теренот за голф и откри дека подарува комплет палки за голф, а секако повеќето коментари под објавата беа од навивачите на Реал Мадрид кои и таму го навредуваа Бејл.
Нив им пречеше тоа што Бејл на денот на натпреварот повторно се посвети повеќе на голфот отколку на фудбалот, а многумина рекоа дека едвај чекаат да му истече договорот на лето и да го напушти кралскиот клуб.
View this post on Instagram
