Нејмар откри како би изгледал совршен играч за него: „Левата нога на Меси, брзината на Мбапе …“

Бразилскиот фудбалер Нејмар откри како би изгледал најсовршениот фудбалер на светот за него.

Нејмар даде интересно интервју за француските медиуми во кое зборуваше за неговата досегашна кариера.

Исто така, едно од прашањата беше како би изгледал совршен фудбалер за Нејмар ако може да земе некои квалитети на другите светски играчи.

“Ух, човеку… совршен играч? Може ли да се сметам себеси? Може ли, ах добро, тогаш да почнеме”, рече Нејмар на почетокот, а потоа продолжи.

“Што се однесува до физичките предиспозиции, би го избрал Кристијано Роналдо. Би ја додал „еластичноста”на Златан Ибрахимовиќ и со глава на Серхио Рамос. Брзината на Килијан Мбапе и левата нога на Лионел Меси. Исто така, би додал позиционирање на Левандовски, одбранбена игра на Канте, и создавање акции од средниот ред како Верати. Тој е совршен играч за мене“.

Нејмар воодушеви многумина со изборот на одлики од индивидуални играчи, но најмногу се изненадија што Н’Голо Канте, кој игра одлично во Челзи оваа сезона, се најде во ова конкуренција.

Очигледно е дека Нејмар го следи и францускиот играч за врска веднаш штом го вклучи меѓу таквите великани, но и во изборот на неговиот совршен фудбалер.

Исто така, Нејмар неодамна откри дека сепак би сакал да игра во ист тим со Кристијано Роналдо во својата кариера бидејќи досега имал можност да игра со Лионел Меси и Килијан Мбапе.

“Би сакал да играм со Кристијано Роналдо. Тоа е нешто што би сакал да го сторам затоа што веќе играв со Меси и играм со Килијан Мбапе, но не сум бил во можност да играм со Кристијано”, рече Нејмар.

Бразилецот неодамна објави дека ќе остане во ПСЖ затоа што го продолжи договорот за уште четири години. Не е невозможно Кристијано Роналдо да му се придружи во тимот следната сезона, бидејќи се повеќе се шпекулира дека Португалецот ќе го напушти Јувентус ова лето.