Нејмар сега го чека судење и неверојатно сценарио поради трансферот кој веќе го заборави?

Членот на ПСЖ и бразилска ѕвезда Нејмар се соочува со пет години затвор поради корупција при неговиот трансфер од Сантос во Барселона.

Трансферот е извршен во 2013 година, а судењето за овој случај започнува во понеделник. Во судницата ќе бидат Нејмар, неговите родители и двата клуба и претседателите.

Бразилската фирма ДИС поседуваше 40 отсто од правата на играчот и тврди дека продажбата била многу помала од реалната вредност.

Тврдат дека клубот имал подобри понуди, но решиле да се договорат со Барселона.

Во последно време многу се зборува за тоа дека Бразилецот сака да го напушти Париз.

Нејмар одлучи да ја напушти Барселона во 2017 година. Тој се пресели во главниот град на Франција за рекордни 227 милиони евра. И покрај чудесниот договор, се покажа дека тој не бил секогаш среќен во Париз.

Претходно, Бразилецот мина четири години во каталонскиот тим, сигурно особено се сеќаваше на 2015 година кога го совладаа Јувентус во финалето на Лигата на шампионите, создавајќи го познатото трио со Меси и Суарез. Авантурата на Нејмар со шпанскиот клуб заврши во 2017 година. Оттогаш на големо се шпекулира за можното враќање на крилниот напаѓач во Барселона.

Најблиското заминување беше во 2019 година, а тоа го откри Кака, поранешниот соиграч и пријател на Нејмар.

“Ние сме блиски пријатели. Разговарав многу со Нејмар кога тој минуваше лошо во ПСЖ. Сакаше да се врати во Барселона”, откри Кака за BeIN Sports.

Сепак, оттогаш многу се променија. Бразилскиот крилен напаѓач имаше фантастичен старт на сезоната во Франција. Тој веќе постигна 11 гола и додаде 14 асистенции, а тимот од Париз е лидер во Лига 1. Подобрување на психичката состојба на пријателот го забележува и Кака.

„Денес е среќен“, вели поранешната ѕвезда која ја заврши кариерата во 2017 година како фудбалер на Орландо Сити.

„Размислува за долгорочен проект во ПСЖ. Од година во година тимот е се посилен, градејќи повеќе кохезија за да освои нешто навистина важно како Лигата на шампионите, тој се чувствува добро во Париз и ПСЖ“, откри добитникот на Златната топка во 2007 година.