Нов рекорден договор за Ван Дајк

Според новиот договор, Холанѓанецот ќе стане најплатениот дефанзивец во светот.

Вирџил Ван Дајк наскоро би можел да стане најплатениот дефанзивец во светот.

Холанѓанецот е во преговори со Ливерпул и се очекува да го продолжи договорот со европскиот и светскиот шампион.

Тековната плата на дефанзивецот е 120.000 фунти неделно, а со новиот договор таа ќе се искачи на 150.000 фунти неделно.

Според новиот договор, Холанѓанецот би можел да добие до 60 милиони евра.

Ван Дајк има одиграно 37 натпревари во сите натпреварувања со Ливерпул оваа сезона.

Тој ќе биде награден за титулата во Премиерлигата, која се очекува да ја добие Ливерпул.

Со Ван Дајк во тимот, одбраната на Ливерпул е постабилна од кога и да било.