Њукасл го сака Бејл

Во последно време се пишува многу за тоа дали Герет Бејл ќе го напушти Реал Мадрид.

Иако велшкиот фудбалер тврди во најавите во медиумите дека е среќен во Реал, гласините за неговото заминување се интензивираа по информациите дека тој не е во плановите на Зидан за следната сезона.

Новите сопственици на Њукасл сакаат да ја искористат целата ситуација и да го ангажираат Бејл, но проблем е високата плата што ја има Велшанецот.

Таа изнесува дури 600,000 фунти неделно.

Бејл нема да се согласи на помала плата, но богатите шеици сигурно можат да го решат овој „проблем“.

Дали трансферот ќе се случи, ќе се знае во наредниот период.

Велшанецот е исто така поврзан со Манчестер Јунајтед.

Оваа сезона, Бејл постигна само два гола на 14 одиграни натпревари. Многу малку за играч чиј годишен приход е 17 милиони евра.