Обамејанг се сели во Челзи, Барселона одлично ќе заработи и ќе го добие и Маркос Алонсо

Пјер-Емерик Обамејанг ќе ја напушти Барселона по само половина година.

Обамејанг пристигна во каталонскиот клуб во последниот ден од зимскиот преоден рок, а интересно е што ќе ја напушти Барселона во последниот ден од летниот преоден рок.

Габонецот имаше брилијантна полусезона во Барселона по пристигнувањето од Арсенал и се очекуваше сигурно да остане во клубот, но Обамејанг побара да си замине.

Се разбира, главната причина за ова е жестоката конкуренција што ја доби во Барселона по доаѓањето на Роберт Левандовски, бидејќи Обамејанг потоа стана резервна опција за Чави Ернандез.

Обамејанг не сака да биде резервна копија во Барселона и изрази желба да го напушти Камп Ноу откако Челзи покажа голем интерес за него.

Барселона и Челзи со недели преговараат за искусниот напаѓач, а Фабрицио Романо пренесува дека конечно постигнале договор.

🚨 Chelsea and Barcelona have now reached an agreement in principle for Pierre Aubameyang! €14m fee plus Marcos Alonso to Barça included — now finalizing details. 🔵 #CFC

Aubameyang is expected to fly to London in the upcoming hours, once details are resolved. pic.twitter.com/ehCYYpfcgF

— Fabrizio Romano (@FabrizioRomano) September 1, 2022

Обамејанг денеска сигурно ќе потпише двегодишен договор со Челзи, со можност за продолжување на уште една година доколку ги оправда очекувањата.

Барселона од овој трансфер ќе заработи 14 милиони евра, но ќе го добие и Маркос Алонсо, кој ќе ја зголеми конкуренцијата на позицијата лев бек, што ќе му реши уште еден голем проблем на Чави.

Приватниот авион е веќе готов на аеродромот во Барселона и се очекува многу брзо Обамејанг да замине за Лондон каде ќе ја официјализира својата преселба во Челзи.

Така Габонецот по само половина година се враќа во Премиершип, но не во Арсенал, туку во редовите на лутиот градски ривал Челзи.