Од реакцијата на Обамејанг најдобро се гледа дека тој синоќа го одигра последниот натпревар за Барселона

Фудбалерите на Барселона синоќа одиграа хуманитарен натпревар против Манчестер Сити.

Овој натпревар беше во чест на поранешниот голман и тренер на каталонскиот клуб Хуан Карлос Унзуе, но и на сите луѓе кои се борат против порочната болест амиотрофична латерална склероза (АЛС).

Камп Ноу беше преполн синоќа, а целиот приход од билетите оди за луѓето кои се борат со АЛС.

Сепак, иако натпреварот беше пријателскиѓќѓќ, навивачите можеа да уживаат во одличниот натпревар помеѓу Барселона и Манчестер Сити, каде забележаа дури шест гола, а конечниот резултат беше 3:3.

Од првата минута синоќа играше и Пјер-Емерик Обамејанг, за кого многумина сметаат дека тоа е негов проштален натпревар во дресот на каталонскиот клуб. Ауба успеа да постигне гол на овој натпревар кога на средината на првото полувреме израмни на 1:1.

Aubameyang smashes past the keeper at the near post😍#TeamALS #ManCity #barcamancitypic.twitter.com/PRWyK98szQ

— FootTheBall FC (@FootTheBallFC) August 24, 2022

Веќе извесно време се шпекулира дека Аубамејанг кариерата ќе ја продолжи во Челзи и дека прашање на денови е кога ќе биде официјализиран овој трансфер. Барса ќе заработи околу 30 милиони евра, што е одлична работа со оглед на тоа што Обамејанг пред половина година дојде бесплатно.

Затоа Чави му даде шанса од првата минута бидејќи смета дека Аубамејанг го заслужи збогувањето од навивачите што го доби. Габонецот го напушти теренот во вториот дел и доби голем аплауз од трибините.

Исто така, со неговата реакција беше јасно дека се прости од навивачите и дека најверојатно го одигра последниот натпревар во дресот на Барселона каде за кратко време успеа да остави голема трага.

#Aubameyang’s face says it all. Probably his last game in a #Barça shirt and he deserves the standing ovation.👏🏽👏🏽

Came in to a struggling Barcelona side and was huge in getting them Champions League football.⚡️🎩 https://t.co/gk4rZitngu

— Backroom Football (@BackroomFooty) August 24, 2022

Откако дојде од Арсенал, овој искусен 33-годишен напаѓач одигра 24 натпревари за Барселона, постигна 13 гола и додаде една асистенција.

По доаѓањето на Роберт Левандовски, тој го загуби местото во стартната постава, поради што донесе одлука дека е најдобро да го напушти клубот и да ја прифати понудата на Челзи, со кој треба да потпише договор во претстојниот денови.