SportM
Фудбал

Од видеото во парк до проектирани провокации; Балотели открива како го фасцинирал Мурињо

SPORTM.mk19 ное 2026
Од видеото во парк до проектирани провокации; Балотели открива како го фасцинирал Мурињо

Жозе Мурињо, преку сеќавањата на оние кои го имале во соблекувалните секој ден. Во документарецот на DAZN, „W/inning“, неговите поранешни играчи се присетуваат на кариерата на португалскиот стратег, од Интер со трите титули до авантурата во Реал Мадрид. Меѓу нив, Марио Балотели ја раскажува својата специјална врска со лузитанскиот тренер:

„Мурињо беше како постар брат за мене. Понекогаш беше многу строг, бидејќи имам уникатен карактер. Знаеше како да извади најдоброто од мене, не секогаш со нежни методи. Ми ги креваше нервите и јас влегував на теренот мислејќи: Денес ќе дадам три гола за да го замолчам. Токму тоа беше неговата цел“.

Тој се сеќава и на еден настан во Верона, во јануари 2010 година, пред натпреварот со Киево. Мурињо им покажа на играчите видео од Балотели како игра фудбал со пријателите во парк, во натпревар три против три. „Беше како ментален тренер. Користеше психолошки игри кои те мотивираа да играш и да дадеш сè од себе“. Интер победи 1-0, со решавачкиот гол на Балотели на тој натпревар.

„Кога Мурињо одржуваше прес-конференции, сите се собирахме да ги следиме. Се смеевме до солзи, беше фантастичен“, се присетува тој. Балотели го опишува Мурињо со пет збора: „Дете, гениј, строг, забавен и победник“.

Сподели

Коментари (0)

Бидете прв што ќе коментира.