Официјално – Ливерпул има нов капитен

Фудбалскиот клуб Ливерпул денеска потврди дека Вирџил ван Дијк е новиот капитен на првиот тим.

По заминувањето на Џордан Хендерсон, се шпекулираше кој ќе биде легитимен наследник на Англичанецот, а изборот очекувано падна на Холанѓанецот.

Ван Дијк беше капитен на повеќето натпревари минатата сезона кога го немаше Хендерсон, па се одеше кон тоа тој да остане со лентата.

Она што е интересно, негов заменик е Трент Александар-Арнолд, иако многумина веруваа дека Мохамед Салах ќе биде барем втор капитен.

Сепак, ТАА е дете на клубот и Јирген Клоп оцени дека тој е најдоброто решение.

Да потсетиме, меѓу капитените беше и Џејмс Милнер, кој исто така како слободен играч го напушти клубот и замина во Брајтон.