Огромен скандал го тресе францускиот фудбал: „Сакам плавуши, би те однел во кревет“

Нов скандал го тресе францускиот фудбал.

Претходните години во оваа земја имаше многу скандали поврзани со фудбалот, а во новата главна улога има претседателот на Француската фудбалска асоцијација, Ноел Ле Грает.

Познат фудбалски работник е обвинет за сексуално вознемирување млади работнички во Федерацијата, а медиумите во оваа земја ја открија содржината на СМС пораките кои тој им ги испраќал на многу помлади вработени во Француската фудбалска федерација.

„Сакам плавуши. Ти си ми омилена, па ако те интересира“, е една од наводните пораки, додека друга гласи:

“Ти си проклето жешка. Би сакал да те ставам во мојот кревет.”

🚨 Une enquête de @sofoot révèle que Noël Le Graët aurait envoyé plusieurs messages sexistes à de jeunes employées de la FFF.

Des SMS comme : "Je préfère les blondes, donc si ça vous dit…" ou encore "Vous êtes drôlement bien roulée, je vous mettrais bien dans mon lit."

— Actu Foot (@ActuFoot_) September 8, 2022

Ле Грает, кој има 80 години и е претседател на Француската фудбалска асоцијација од јуни 2011 година. На изборите победи со 54 отсто од гласовите и неколку пати успешно го бранеше својот мандат.

Овие скандали во никој случај нема да бидат добри за Французите пред Светското првенство во Катар, а наводно ситуацијата во чадорот на фудбалот во оваа земја е крајно лоша и има многу конфликти меѓу главните луѓе.

Ле Грает покрај фудбалот е успешен и во бројни бизниси кои ги има во Велика Британија и Франција и има милиони евра на сметката.

Треба да се напомене дека со фудбалски активности се занимава од 1971 година. Тоа беше прв пат да седне на претседателското столче во тимот на Гингампа и остана до 1992 година.

Во овој клуб се врати во 2002 година и таму остана до 2011 година, кога беше избран за прв човек на Здружението. Тој беше и градоначалник на Гингампа од 1995 до 2008 година.