Општа опасност на теренот: Мек Грегор заигра фудбал, па ги испокрши противниците

Ирскиот ММА борец Конор Мек Грегор одамна ја заврши сериозната борбена кариера, а сега се испроба и во фудбалот и играше за својот паб тим.

Иако покажа неколку добри потези, па дури и ја погоди пречката, тој користеше повеќе ММА потези на теренот. Така, при еден волеј го удри противникот, а потоа беше изненаден од досудениот фаул.

На видеото кое брзо стана вирално на социјалните мрежи, можеше да се види и како тој користи боречки потези додека одзема топка. Инаку, откко заработи скршеница на ногата, Мек Грегор почесто ги полнеше медиумските колумни со ексцеси и тужби отколку со спортски успеси.