Ова е моќна Македонија, ова е победничка Македонија-Катар надигран!

Македонската ракометна репрезентација го совлада Катар со 39:34 во главната рунда на СП во ракомет. Избраниците на Кире Лазаров по воведните минути од мечот го презедоа водството и во текот на целиот меч не дозволија тоа да премине во рацете на противникот. Постојано бевме во водство, а разликата на моменти се зголемуваше или намалуваше за конечни 39:34. Ова беше уште еден фантастичен, борбен меч за македонските ракометари, кои покажаа дека оваа селекција е победничка, дека е моќна, без разлика на противникот. Пешевски и Кузмановски со по 6 голови беа најефикасни во нашиот табор, а ги следеа Митев и Костевски со по пет, додека Лазаревски имаше 4. Следниот меч Македонија го игра в сабота против фаворитот Франција со почеток во 20:30 часот.