Педри: Подготвени сме за големи дела и трофеј во ЛШ

Еден од најдобрите фудбалери на Барселона, Педри, смета дека Каталонците оваа сезона ќе се борат за трофеи во сите натпреварувања.

Ла Лига почнува следната недела, Барса ја брани титулата, а супер талентираниот играч за врска истакнува дека тимот е подготвен да го дочека стартот на сезоната.

„Пред да го победиме Реал Мадрид во Америка, загубивме од Арсенал и ни требаше таа победа над големиот ривал за да ни ја вратиме самодовербата. Да, предсезона е, ние само се подготвуваме за вистинската, но „Ел Класико“ е „Ел класико“ каде и да се игра и кога и да се игра. Ние сме само на почеток, рано е да се извлечат некои големи заклучоци, но имам чувство дека сме подготвени за големи работи“, изјави шпанскиот репрезентативец.

Тој изјави дека ќе има посебен мотив во Лигата на шампионите, во која Барса одамна не знае за добар резултат.

Барселона ќе се бори за сите трофеи оваа сезона. Мислам дека минатата година имавме квалитет да ја освоиме Лигата на шампионите и затоа мислам дека триумфот во тоа натпреварување е приоритет за нас .

Во претсезоната, покрај победата над Реал (3:0) и поразот од Арсенал (2:5), Каталонците ги совладаа и Висел Кобе (2:0) и Милан (1:0).

Следниот натпревар ќе го одиграат во вторник на 8 август против Тотенхем како дел од трофејот Ѓаон Гампер, додека првиот официјален натпревар сезонава ќе го одиграат на 13 август против Хетафе на гости на стартот од Ла Лига.