Пирло победата му ја посвети на Синиша Михајловиќ

Во 17. коло од Серија Б, Сампдорија на гости ја совлада Реџина со 2:1.

Славниот Андреа Пирло, кој од почетокот на оваа сезона е тренер на клубот од Џенова, победата му ја посвети на Синиша Михајловиќ.

Михајловиќ четири години играше за Сампдорија, а две години беше тренер. Во саботата беше првата годишнина од неговата смрт по тригодишна битка со леукемија.

„Игравме за Синиша Михајловиќ. Беше пример за сите, и на теренот и надвор од него. Со оваа победа со големо задоволство се сеќаваме на него. Инаку, голот го постигна Касами, кој има слична градба како него и е левак“, изјави Пирло.

Иако никогаш не биле соиграчи, Михајловиќ и Пирло добро се познавале од италијанските терени, бидејќи од 1996 до 2006 година и двајцата играле во Серија А.