Пирло пред пресметката со Барселона: „Меси има проблеми со психата, а не со фудбалот“

Фудбалерите на Барселона вечерва на домашен терен го играат натпреварот од последното коло во групната фаза од Лигата на шампионите против Јувентус.

Барселона и Јувентус веќе обезбедија пласман во нокаут фазата, а вечерва сè повторно ќе биде обележано со судир помеѓу Кристијано Роналдо и Лионел Меси.

Роналдо е во многу добра форма во последно време, но тоа не може да се каже за Меси. Аргентинецот одамна нема играно толку лошо и јасно е дека не оди сè како што планираше.

Андреа Пирло зборуваше и за ова на прес-конференцијата, наведувајќи дека е јасно дека Меси има некои други проблеми. Ова најмногу се однесува на фактот дека не му беше дозволено да го напушти клубот пред почетокот на сезоната.

 
“Меси е во посебен момент во животот, не само во кариерата, поради проблемите што ги имаше ова лето. Му пречи дали ќе остане во Барселона или не. Тој ја покажа својата вредност и оваа сезона, но мислам дека има повеќе психолошки проблеми отколку фудбалски. Меси е феномен и го покажува целата негова кариера “, изјави Пирло.