После 15 години Меси без погодок против мадридските тимови

Пред 15 години, Лионел Меси постигна барем еден гол во дуелите со мадридските клубови, но оваа сезона – ништо.

Барселона оваа сезона не е ни сенка на клубот што претходно ја опустоши Шпанија. По нулата на Камп Ноу против Атлетико, се поизвесно е дека титулата ќе патува за Мадрид, но се уште не е познато дали ќе ја освои Атлетико или Реал.

Една од последните шанси за Барселона беше вчерашниот натпревар со Атлетико, но мрежите беа во мирување, а пристигна информацијата дека Меси, првпат по 15 години, не постигна барем еден гол во сезоната против ривал од Мадрид

На четири натпревари оваа сезона, Аргентинецот е без погодок, што никој навистина не го очекуваше. Барса беше поразена од Атлетико со 1:0 во Мадрид, а вчера беше 0:0.

Што се однесува до дуелот со Реал, Каталонците загубија со 3:1 и 2:1. Голот на првиот натпревар го постигна Ансу Фати, а на вториот Мингуез.

Атлетико е без победа во Барселона во Ла Лига од 2007 година, за кое време забележа четири нерешени средби и 10 порази. Сепак, вчера тимот на Диего Симеоне сериозно се закани дека ќе дојде до победа. Пред да замине на одмор, дури шест удари кон Тер Штеген, и во текот на сезоната ниту еден тим не успеа да го стори тоа против Барселона во сите натпреварувања.