Познатиот поранешен судија: Меси можеше да ги сврти 100 илјади луѓе на натпревар против нас

Итурралде Гонзалес се приклучи кон бројните оценки за Лионел Меси, на денот кога поранешната ѕвезда на Барселона се прости од репрезентацијата на Аргентина, на пријателски натпревар против Бенин, каде што постигна гол и даде две асистенции во победата од 3-0.

Поранешниот судија, денес соработник на „Кадена СЕР“, особено го истакна „фер-плејот“ на Меси: „Ќе посакав да бев на неговиот проштален натпревар дури и како четврти судија. Едно е Меси како фудбалер, а друго е тоа што беше за судиите. Тој можеше да ги сврти против нас 100 илјади луѓе на натпревар, со падови или симулации, но никогаш не го направи тоа. Беше еден од најблагородните играчи на теренот.“

Итурралде уште повеќе ја нагласи заслугата на аргентинецот, потсетувајќи дека Меси беше меѓу фудбалерите кои најмногу трпеше фаули: „Гледајте колку многу го удираа…, но тој никогаш не бараше да падне. Нека научат играчите од оваа генерација, особено младите. Тој никогаш не бараше да измамува. Замислете ако Меси го правеше тоа на натпревар на Аргентина, ќе ја превртеше целата игра.“