Познато е колку ќе понуди Челзи за Дибала

Аргентинскиот фудбалер Пауло Дибала би можел да го напушти Јувентус веќе во јануари.

Дибала не е во преден план со Андреа Пирло, иако тој неодамна се опорави од повредата. Сепак, веќе некое време се зборува дека тој не е среќен во Јувентус и дека сака да си замине.

Аргентинецот има договор до летото 2022 година, а преговорите за продолжување на соработката не одат баш најдобро. Дибала не е задоволен што Пирло не смета на него како што очекуваше, па јасно е дека сака многу подобри минути.

Ако тоа не се подобри, нема да биде изненадување ако Дибала го напушти клубот во јануари. Ситуацијата будно ја следи Челзи кој е подготвен да го донесе аргентинскиот играч на „Стемфорд Бриџ“.

Тутоспорт утрово објави дека Челзи му нуди годишна плата на Дибала од 10 милиони евра и дека сериозно размислува да замине во Англија. Исто така, се очекува Челзо да понуди околу 80-100 милиони евра за него, што е бројка што сигурно ќе ги задоволи апетитите на Јувентус.

Веќе е јасно дека во јануари нè очекуваат многу возбудувања, а дали ќе го видиме Дибала во дресот на друг клуб останува да видиме.