Претседател на Реал Мадрид: Не знам кој е Погба

Откако Реал Мадрид го освои трофејот во шпанскиот Супер Куп, претседателот Флорентино Перез беше запрашан за можноста за трансфер на Пол Погба, а Перез даде интересен одговор.

Реал Мадрид се обиде да го обезбеди трансферот на францускиот играч од средниот ред на Манчестер Јунајтед, Пол Погба, за време на минатиот летен преоден рок. Сепак, „Лос Бланкос“ на крајот не успеа во овој обид.

Тренерот Зинедин Зидан честопати ја изрази својата љубов кон талентираниот француски играч од средниот ред и шпанските медиуми известуваат дека Лос Бланкос ќе се обиде повторно да го купи Погба ова лето.

На прашањето за оваа можност за трансфер на Французинот, откако Реал Мадрид триумфираше во финалето на шпанскиот Супер Куп против Атлетико Мадрид, Флорентино Перез се пошегува дека не го познава Французинот.

„Не знам кој е Погба“, рече Перез, додека заминуваше на интервју за телевизија „Ријадија“.

Погба беше повреден во најголем дел од оваа сезона и оствари само осум настапи. Шпекулациите, во меѓувреме, сугерираат дека планира да се докаже следната сезона во друг клуб, далеку од „Олд Трафорд“.