Пристигнаа првите критики кон Роналдо, тие се доста жестоки

Кристијано Роналдо се врати во Манчестер Јунајтед во летниот преоден рок по 12 години.

Гери Невил, легендарниот фудбалер на Манчестер Јунајтед, го критикуваше однесувањето на Роналдо, кој беше главниот актер во контроверзната сцена по натпреварот.

На пат кон соблекувалната, Роналдо разговараше со себе, очигледно незадоволен што играта заврши 1:1 и дека не е во стартниот состав.

„Роналдо се лути кога не победува и кога не постигнува голови, но некои работи треба да се решат во соблекувалната, а не пред камерата“, рече Невил.

„Сакаше да биде стартер, се налути затоа што не постигна гол, се разочара што нема победа, но нема потреба тој да биде таков.

“Ваквото однесување врши дополнителен притисок, но не само врз атмосферата и врз тренерот. Со таквото однесување тој врши дополнителен притисок врз тренерот на Солскјаер”.

“Мислам дека Роналдо е доволно паметен да не прави такви работи. Мислам дека ќе сфати дека нема секогаш да постигнува голови и да ги игра сите натпревари, така што оваа работа мора да се реши пред да се повтори”, додаде Невил.

Откако се врати на Олд Трафорд, искусниот Португалец одигра шест натпревари и постигна пет гола.