Пристигнуваат реакции на договорот на Меси: „Не уништи нас, го заслужи секое евро“
ШПАНСКИ Ел Мундо утрово ексклузивно ја објави информацијата дека Лео Меси заработил 555.237.619 евра на име на договорот потпишан со Барселона во 2017 година, или неверојатни 138 милиони евра по сезона.
Мундо ја раскажа приказната по повеќемесечно истражување и ја стави под наслов „Фараонски договор со Лео Меси кој ја уништи Барселона“.
Многу брзо по објавувањето на текстот на Твитер, реагираше Виктор Фонт, кандидатот за нов претседател на Барселона, цврсто негирајќи дека договорот уништил клуб кој се наоѓа во огромна финансиска криза.
Leo Messi s’ha guanyat fins l’últim euro que li ha pagat el Barça. Ell no ens ha arruïnat. Al contrari. És el millor jugador de la història i volem que segueixi amb nosaltres per sempre més.
— Víctor Font (@victor_font) January 31, 2021
“Меси го заработи секое евро што му го плати Барса. Тој не не уништи нас, напротив, тој е најдобриот играч во историјата и ние сакаме тој да остане со нас засекогаш”, напиша Фонт, еден од тројцата кандидати за нов претседател на клубот .
Главната задача на секој од тројцата ќе биде да го убедат Меси да остане на „Камп Ноу“, откако Аргентинецот се обиде да изнуди трансфер минатото лето, но погрешно ја протолкуваше клаузулата од сопствениот договор и не можеше никој да плати за обештетување помалку од 700 милиони евра. Немаше друг избор освен да остане и да чека да му истече договорот на 30 јуни 2021 година.
