Раиола без влакна на јазикот: „Ме боли к***т дали некогаш повторно ќе доведам играч во Манчестер Јунајтед“

Мино Раиола е секако еден од најпознатите менаџери во светот на фудбалот и претставува некои од најдобрите светски играчи.

Раиола се прослави кога потпиша договор со Златан Ибрахимовиќ додека тој сè уште играше за Ајакс, а потоа неговата менаџерска кариера траеше нагорна линија.

Легендарниот менаџер реши да даде интервју за англискиот Атлетик во кое зборуваше за сè без влакна на јазикот.

Една од темите беше неговиот лош однос со Манчестер Јунајтед, кој започна пред десет години кога беше отворено критикуван од Сер Алекс Фергусон за однесувањето на Пол Погба во Јувентус.

Раиола го врати Погба на „Олд Трафорд“ неколку години подоцна, но не е тајна дека тој нема многу добри односи со челниците на англискиот клуб.

“Сè што ќе кажам е дека челниците на Јунајтед го вратија Погба на Олд Трафорд кога Фергусон замина и ми рече дека сум во право. Фергусон не веруваше во него и тоа е тоа. Не ми е гајле што ќе каже Фергусон за мене. Не ми е гајле што мислат во Манчестер Јунајтед“, започна Раиола и продолжи.

“Ме боли к***т дали некогаш повторно ќе доведам играч во Манчестер Јунајтед. Јас не сум во нивни раце и сум независен. Се грижам само за моите играчи и додека тие се задоволни и ние сме. Она што клубовите мислат за мене, апсолутно не сум заинтересиран “.